Карло Анчелотти Бразилия терма жамоаси бош мураббийи лавозимини эгаллайди, аммо "Реал" ҳозирча бу ҳақда эълон қилгани йўқ.

Душанба куни Бразилия футбол конфедерацияси яқинда италиялик мураббий тайинланиши ҳақидаги маълумотни расман тасдиқлади. Журналист Мигел Анхель Диаснинг ёзишича, "Реал" Анчелоттининг кетиши ҳақида ўша куни эълон қилмаган, чунки бу "Барселона"га қарши кечган мағлубият фонида "истерика"га ўхшаб кўриниши мумкин эди. Клуб "класико"даги муваффақиятсизликдан сўнг дарҳол афсонавий мураббий билан хайрлашганини оммага эълон қилишни номақбул деб топди.

Эслатиб ўтамиз, якшанба куни "Реал" "Барселона"га ютқазиб қўйди (3:4) ва Ла Лигада чемпион бўлиш имкониятидан деярли маҳрум бўлди.

"Қаймоқранглилар"нинг янги бошқарувчиси этиб Хаби Алонсо тайинланади.