"Тоттенхэм" ҳужумчиси Сон Хён Мин Европа Лигаси финалидан ўрин олган "Манчестер Юнайтед"га қарши ўйин ҳақида ўз фикрларини билдириб ўтди.
"Шпорлар" ва "қизил иблислар" келаси чоршанба, 21 май куни "Сан-Мамес"да кубок учун баҳс олиб боради. Ҳар икки жамоа учун бу муваффақиятсиз мавсумни сақлаб қолиш ва Чемпионлар Лигаси йўлланмасини қўлга киритиш имконияти.
"Ҳар бир ўйин ўзига хос ва аҳамиятли, аммо бу финал - бошқа пайдо бўлмаслиги мумкин бўлган имконият. Мен чиндан ҳам ғалаба қозонишни истайман - менимча, бошқалардан кўра кўпроқ. Қанчадан-қанча одамлар бизни зўр иштиёқ билан қўллаб-қувватламоқда. Ишонаманки, агар яхши тайёргарлик кўрсак, ўз мақсадимизга эриша оламиз," - дея Соннинг сўзларини келтиради журналист Дэйв Хитнер.
Эслатиб ўтамиз, "Тоттенхэм" ўзининг сўнгги совринини 2008 йилда қўлга киритган.
