"ПСЖ" яқин трансферлар вақтида ҳимоя чизиғини кучайтиришни режалаштирмоқда. Парижликлар "Брюгге"дан Хоэл Ордоньес ва "Валенсия"дан Кристиан Москерага қизиқиш билдирмоқда. Бу ҳақда Footmercato хабар бермоқда.
Париж клуби спорт маслаҳатчиси Луиш Кампуш аллақачон бозордаги эҳтимолий вариантларни ўрганмоқда. Ордоньес Чемпионлар Лигасининг жорий мавсумида ўзини кўрсата олди, футболчи Эквадор терма жамоасида ҳам ўйнайди, унинг трансфер нархи 27 млн еврога баҳоланмоқда. Москера ўзини Испания Примерасида намойиш этди, унинг нархи 30 миллион еврони ташкил этади.
"ПСЖ" жорий мавсумда муддатидан олдин Франция чемпиони бўлди, жамоа мамлакат кубоги финалида, шунингдек, Чемпионлар лигасининг ҳал қилувчи ўйинида ўйнайди.
