"PSJ" yaqin transferlar vaqtida himoya chizig‘ini kuchaytirishni rejalashtirmoqda. Parijliklar "Bryugge"dan Xoel Ordonyes va "Valensiya"dan Kristian Moskeraga qiziqish bildirmoqda. Bu haqda Footmercato xabar bermoqda.
Parij klubi sport maslahatchisi Luish Kampush allaqachon bozordagi ehtimoliy variantlarni o‘rganmoqda. Ordonyes Chempionlar Ligasining joriy mavsumida o‘zini ko‘rsata oldi, futbolchi Ekvador terma jamoasida ham o‘ynaydi, uning transfer narxi 27 mln yevroga baholanmoqda. Moskera o‘zini Ispaniya Primerasida namoyish etdi, uning narxi 30 million yevroni tashkil etadi.
"PSJ" joriy mavsumda muddatidan oldin Fransiya chempioni bo‘ldi, jamoa mamlakat kubogi finalida, shuningdek, Chempionlar ligasining hal qiluvchi o‘yinida o‘ynaydi.













