"Манчестер Юнайтед"нинг 25 ёшли қанот ҳужумчиси Жэйдон Санчо хизматига "Фенербахче" қизиқиш билдирмоқда. Туркия клуби англиялик футболчини Суперлиганинг кейинги мавсумида жамоага устунлик қилишда ёрдам бера оладиган футболчилардан бири сифатида кўрмоқда. Бу ҳақда Yeni Asir хабар бермоқда.
Манбага кўра, "Фенербахче" бош мураббийи Жозе Моуриньо "қизил иблислар" ҳужумчисининг эҳтимолий трансферини маъқуллаган. Таъкидланишича, манкунианликлар Санчони 30 млн еврога баҳоламоқда.
Ўтган ёзда инглиз "Челси"га ижара асосида ўтганди. Бу вақт ичида у барча турнирларда 40 та ўйинда майдонга тушиб, тўртта гол ва 10 та голли узатмани амалга оширди. Футболчининг "Манчестер Юнайтед" билан амалдаги меҳнат шартномаси 2026 йилнинг ёзигача мўлжалланган.













