"Милан"нинг нидерландиялик ярим ҳимоячиси Тиджани Рейндерс болаликдаги кумири кимлигини айтди. Рейндерснинг айтишича, у болалигида Пеп Гвардиола бошчилигидаги буюк "Барселона" жамоасидан завқланган. Аммо сўнгги йилларда унинг диққати бельгиялик сеҳргар Кевин де Брюйнега қаратилди - Тиджани айнан унинг ҳаракатларини ўрганади ва нусха олишга ҳаракат қилади.
"Болалигимда "Барселона"нинг ашаддий мухлиси эдим. Аммо улғайгач, Кевин де Брюйненинг ўйинларидан баҳра олишни бошладим. Унинг майдонни сканерлаши, кўриши менга жуда ёқади. Мен ҳам худди шундай қилишга, худди шундай бўлишга, ундан ўрганишга ҳаракат қиламан", - деди футболчи.
Эслатиб ўтамиз, Тиджани Рейндерс "Милан"да 2023 йилдан буён ўйнаб келмоқда.
