Қанот ҳужумчиси Федерико Кьеза "Ливерпул"ни тарк этишга яқин турибди. Футболчи "Наполи" билан мумкин бўлган ҳамкорликни муҳокама қилмоқда. Бу ҳақда La Gazzetta dello Sport хабар бермоқда.
Манбага кўра, футболчининг Италия клуби билан музокаралари юқори босқичда. Гап сотиб олиш опцияси билан ижара ҳақида кетмоқда. "Наполи" аллақачон "мерсисайдликлар"га тегишли таклифни юборишган. "Қизиллар" шартномага мажбурий сотиб олиш банди киритилишини талаб қилмоқда. Италиялик футболчининг ўзи фаолиятини давом эттириш учун бу вариантга умид билан қарайди.
Жорий мавсумда Федерико Кьеза 13 та ўйинда 2 та гол урди ва 2 та голли узатмани амалга оширди.
