ЦСКА Россия кубоги РПЛ йўли финали жавоб ўйинида ўз майдонида "Зенит"ни мағлуб этди - 2:0.
Илк гол 37-дақиқада Матвей Кисляк ҳисобига ёзилди. Биринчи бўлим охирида "ҳарбийлар" хавбеки Иван Обляков пенальтини аниқ амалга ошира олмади - зарбани меҳмонлар дарвозабони Денис Адамов қайтарди. 90+2-дақиқада ЦСКА форварди Тамерлан Мусаев иккинчи голни урди.
Икки ўйин натижасига кўра, ҳисоб 2:2 кўринишига келди. Пенальтилар сериясида ЦСКА футболчилари аниқроқ эди - 4:3. "Зенит" сафида Александр Соболев ва Густаво Мантуан зарбаларни голга айлантира олмади.
Соврин учун ўйинда "ҳарбийлар" "Спартак" ва "Ростов" ўртасидаги Минтақалар йўли финали ғолиби билан ўйнайди (ўйин 15 май куни бўлиб ўтади). Суперфинал 1 июнь куни "Лужники" стадионида бўлиб ўтади.
