"Барселона" ҳимоячиси Андреас Кристенсен жамоани тарк этиши мумкинлиги ҳақидаги миш-мишларга қарамай, жамоада қолиши мумкин.
Испания матбуоти хабарига кўра, даниялик 29 ёшли футболчи келаси мавсумда жамоада ўрин учун курашиш ниятида. Кристенсеннинг Каталония гранди билан амалдаги меҳнат шартномаси 2026 йилнинг ёзида тугайди.
Испания чемпионатининг жорий мавсумида Андреас учта ўйин ўтказиб, иккита сариқ карточка олди. Ҳимоячи "Барселона"да 2022 йилнинг ёзидан буён ўйнаб келмоқда.













