Лондоннинг "Челси" клуби "Манчестер Юнайтед" қизиқиш билдираётган "Ипсвич" ҳужумчиси Лиам Делапни ўз сафига қўшиб олишга жиддий бел боғлаган. Бу ҳақда The Sun хабар бермоқда.
Манбага кўра, "кўклар" 22 ёшли форвард учун 35 миллион евро тўлашга тайёр. Делапнинг ўзи "Манчестер Сити" академиясидаёқ таниш бўлган Энцо Мареска билан яна ишлаш истагини эҳтимолий трансфернинг муҳим омили сифатида кўрсатмоқда.
Маълумот учун, Делап АПЛнинг бу мавсумида 35 та баҳсда рақиблар дарвозасига 12 та гол ва иккита голли узатма ёздириб қўйган. Унинг клуб билан шартномаси 2029 йилнинг ёзигача амал қилади.
