"Брайтон" марказий ҳужумчиси Жоао Педро кучлироқ клубга ўтиши мумкин.
Журналист Сэм Диннинг таъкидлашича, 23 ёшли бразилиялик футболчининг хизматларига "Ливерпуль," "Арсенал" ва "Челси" клублари қизиқиш билдирмоқда. Манбага кўра, барча клублар ҳужумчини ёзги трансфер ойнасида сотиб олиш имкониятини кўриб чиқмоқда.
Педро жорий мавсум барча турнирларда 30 та ўйинда майдонга тушиб, 10 та гол урди ва 7 та голли узатмани ўз ҳисобига ёздириб қўйди.
Педронинг "Брайтон" билан меҳнат шартномаси 2028 йилгача мўлжалланган. Transfermarkt портали мутахассислари футболчининг нархини 50 миллион еврога баҳоламоқда.
