Дортмунднинг "Боруссия" клуби форварди Серу Гирасси фаолиятини Франция чемпионатида давом эттириши мумкин. Бу ҳақда Get Football News France журналистлари хабар бермоқда.
29 ёшли тўпурар хизматига "ПСЖ" қизиқиш билдирмоқда. Гирасси ёзги трансферлар ойнасида парижликлар бош мураббийи Луис Энрикенинг устувор мақсади бўлиб турибди. Transfermarkt портали гвинеялик футболчининг бозор нархини 40 миллион еврога баҳоламоқда. Унинг "Боруссия" билан шартномаси 2028 йилнинг июнь ойи охиригача мўлжалланган.
Бундеслиганинг жорий мавсумида Гирасси дортмундликлар сафида 29 та ўйин ўтказди. Ҳужумчи ўз ҳисобига 20 та гол ва иккита голли узатма ёзиб қўйган.
