"Барселона" вингери Ламин Ямал жамоани Испания чемпионига айлантирган "Эспаньол"га (2:0) қарши ўйиндан кейин берган интервьюсида жамоанинг собиқ бош мураббийи Хави Эрнандесни эслади.
17 ёшли футболчи ўз ҳисобига гол ва ассист ёздириб қўйган ҳолда учрашув қаҳрамонларидан бирига айланди.
"Хави биз ёшларга асосий жамоада дебют қилиш имконини берди. Мен унга миннатдорчилик билдирмоқчиман," - дея Ямалнинг сўзларини келтиради Barca Universal.
Хави Эрнандес 2021 йилнинг кузидан 2024 йилнинг майигача "Барселона"ни бошқарган, шундан сўнг истеъфога чиқарилганди. Испанияликнинг ўрнини Ханс-Дитер Флик эгаллади.
