"Барселона" ярим ҳимоячиси Педри Ла Лиганинг 36-турида "Эспаньол" устидан қозонилган ғалабадан сўнг фикр билдирди. “Кўк-анорранглилар” 2:0 ҳисобида ғалаба қозониб, Испания чемпионига айланишди.
"Мен "Барса" учун 200 та ўйин ўтказдимми? Илгари бу формада камида битта ўйин ўтказишни орзу қилардим, энди эса 200 тага етди. Мен фақат кўпроқ нарсага интиламан. "Барселона" - орзумдаги жамоа", - дейди ярим ҳимоячи.
Испания чемпионати якунланишига икки тур қолганида Ханс-Дитер Флик жамоаси муддатидан аввал чемпионлик унвонини кафолатлади.
