ФИФА расмий сайти Осиё қитъасидаги сўнгги тур саралаш баҳсларига шарҳ бераркан, Ўзбекистон - Қатар ўйинида қайд этилган ҳисобни "сюрприз" деб атади.

"Ўзбекистон саралаш босқичидаги ўзининг энг яхши ўйинини намойиш қилди. Улар рақибларидан ортда боришаётгани учун Қатарни 5:1 ҳисобида мағлуб этишди. Эрон эса Кореяни мағлуб этганидан кейин Ўзбекистон "тэгук жангчилари" билан бир хил 14 очко тўплади ва тўплар нисбатига кўра ортда қолди.

Сўнгги 30 дақиқа давомида улар қаттий меҳнат қилишди ва йирик ғалабага эришишди. Аслида, мезбонлар ўйин бошиданоқ ўйинни ёрқин бошлашганди, аммо яратилган бир қатор вазиятлардан фойдалана олишмади. Меҳмонлар эса яратилган имкониятдан фойдаланиб, Абдулқодир Илёснинг голи эвазига ҳисобда олдинга ўтиб олишди.

Улар руҳан тушкунликка тушишмади ва ўйинчи алмаштирилиши уларда умид учқунларини уйғотди. Баҳодир Насимов илк марта тўпга тегишидаёқ дарвозани ишғол қилди. Олег Зотеев ҳам майдонга тушганига кўп бўлмасдан, ҳисобни 2:1 кўринишига олиб келди. Насимовннг дублидан сўнг ҳисоб 3:1га етди. Ўйин сўнгида Одил Аҳмедов ўткир бурчак остидан дарвозани ишғол қилган бўлса, Улуғбек Бақоев яқин масофадан сўнгги голни рақиб дарвозасига йўллади", дея ёзади ФИФА.com.