Лондоннинг "Вест Хэм" клуби вингери Муҳаммад Қуддус Англиянинг икки топ-клуби қизиқишлари доирасида бўлиб турибди, деб хабар беради TBR Football. Гап Лондоннинг "Арсенал" ва "Ливерпуль" клублари ҳақида кетмоқда.
24 ёшли футболчининг эҳтимолий трансфери 77-83 миллион еврога тушиши мумкин. "Болғачилар" бундай нархдаги таклифларни кўриб чиқишга тайёр.
Жорий ўйин кампаниясида Кудус лондонликлар сафида 33 та ўйин ўтказди. Муҳаммад 4 та гол ва 4 та голли узатмани ўз ҳисобига ёздириб қўйди. Вингернинг "Вест Хэм" билан шартномаси 2028 йилнинг ярмигача мўлжалланган. Transfermarkt портали футболчининг нархини 50 миллион еврога баҳоламоқда.
