Таниқли инсайдер Фабрицио Романо ярим ҳимоячи Кевин де Брюйненинг "Ливерпуль"га ўтиши мумкинлиги ҳақидаги маълумотларга изоҳ берди.
Мерсисайдликлар келаси ёзда эркин агент сифатида "шаҳарликлар" сафини тарк этадиган бельгиялик футболчига кўплаб даъвогарлар қаторида эди. Романонинг маълумот беришича, бу миш-мишлар ҳақиқатдан йироқ. "Ливерпуль" 33 ёшли хавбекни ўз сафига қўшиб олиш ҳақида ўйламаяпти.
Кевин де Брюйне 2015 йилдан буён "Манчестер Сити" шарафини ҳимоя қилиб келмоқда. Жорий мавсумда футболчи Хосеп Гвардиола жамоаси сафида барча мусобақаларда 38 та ўйинда майдонга тушиб, 6 та гол ва 8 та голли узатмага муаллифлик қилган.
