"Ювентус" ҳужумчиси Кенан Йилдиз сўнгги тур олдидан жамоанинг А Сериядаги ҳолати ҳақида гапирди.
Якшанба куни Игор Тудор жамоаси ўз уйида "Удинезе"ни мағлуб этди (2:0). "Бьянконерилар" 67 очко билан "Рома" (66) ва "Лацио"ни (65) ортда қолдириб, 4-ўринда бормоқда. Сўнгги турда "Венеция" устидан қозонилган ғалаба туринликларга Чемпионлар лигасининг навбатдаги мавсумига йўлланмани тақдим этади.
"Чемпионатда ҳали ҳеч нарса ҳал бўлгани йўқ, бизни "Венеция" билан яна бир финал кутмоқда. Биз бу ўйинга эътибор қаратишимиз ва ғалаба қозониш учун ҳамма нарсани қилишимиз керак," - деди Йилдиз DAZN билан суҳбатда.
