Лондоннинг "Арсенал" клуби янги мавсум олдидан асосий таркибни кучайтиришни мақсад қилган.
ESPN нашри хабарига кўра, клуб йўқотишларнинг ўрнини босиш ва жамоанинг рақобатбардошлигини ошириш учун бир вақтнинг ўзида бир нечта ўйинчилар билан шартнома имзолаш устида фаол ишламоқда. Манбага кўра, "канонирлар"нинг асосий мақсади "Реал Сосьедад" ярим ҳимоячиси Мартин Субименди, Бильбаонинг "Атлетик" клуби вингери Нико Уильямс ва "Лейпциг" ҳужумчиси Бенжамин Шешко.
Улардан ташқари лондонликлар "Спортинг" ҳужумчиси Виктор Дьёкереш ва "Ньюкасл" юлдузи Александр Исакга ҳам қизиқиш билдиришмоқда. Бош мураббий Микель Артета шахсан ўзи асосий позицияларни мустаҳкамлашни талаб қилмоқда. У онгли қарорлар қабул қилиш зарурлигини таъкидлади: "Биз жуда эҳтиёт бўлишимиз керак. Бизга таркибда чуқурлик етишмаяпти, олдинда йўқотишлар бор: шартномалар ёки ижаралар тугаши билан бизни 4-5 нафар футболчи тарк этади. Биз интизомли бўлишимиз ва кейинги мавсумда нима кучли бўлишни хоҳлаётганимизни аниқ билишимиз керак", - деди Артета.
