"Милан"нинг 26 ёшли хавбеки Тиджани Рейндерс ёзги трансферлар даврида қайси жамоага ўтишини аниқлаб олди.
Sky Sport France хабарига кўра, футболчи агентига аниқ сигнал берган - у "Манчестер Сити"га ўтишни истайди. Рейндерсга Мадриднинг "Реал" клуби қизиқиш билдираётганига қарамай, у Хосеп Гвардиола қўл остида ишлашни орзу қилади.
Манбанинг таъкидлашича, нидерландиялик футболчини Пеп жамоалари амал қиладиган ўйин услуби илҳомлантиради: у ёшлигидан "Барселона"нинг тик-такасига ҳавас қилган ва Манчестерда уни янада ўсиш учун идеал муҳит кутмоқда, деб ҳисоблайди.
Қайд этилишича, "Сити" дастлабки қадамларни қўйган: томонлар шахсий шартнома бўйича дастлабки келишувга эришган.
