Эммануэль Пети жорий мавсум "Барселона" ва "Реал" ўртасидаги қарама-қаршилик ҳақида гапирди.
Каталония жамоаси барча мусобақаларда мадридликларга қарши 4та ўйиндан 4тасида ғалаба қозонган.
"Иккала клуб ўртасида бутун мавсум шундай бўлди - кўплаб голлар, ажойиб томоша. Бу икки боксчининг навбатма-навбат зарба беришини ва ким таслим бўлишини кўргандек ҳолат эди. Лекин якунда Мбаппе кўп гол урганига қарамай, "Барселона" "Реал"га қарши барча ўйинларда ғалаба қозонди.
Ҳаммамиз кўрдикки, "Барселона" жамоа сифатида "Реал"дан анча яхши. Мбаппе ўз кучи билан бундай ўйинларда ғалаба қозона олмайди, унинг атрофида ҳақиқий жамоа керак, лекин мавсум давомида бундай бўлмади", деди "Барселона" ва Франция терма жамоасининг собиқ футболчиси.
