"Интер Майами" ҳужумчиси Лионель Месси жамоасининг "Орландо"дан 0:3 ҳисобида учралган мағлубиятидан сўнг фикр билдирди.
"Биринчи бўлимни ажойиб ўтказдик, ҳужумга ўтдик ва вазиятлар яратдик. Кейин рақиб футболчиларидан бири тўпни дарвозабонга узатганида ғалати ҳодиса юз берди.
Дарвозабон тўпни қўлига олди, бироқ ҳакам воқеани жазосиз қолдирди. Ҳакам менга бу воқеага қоидабузарлик нуқтаи назаридан қарамаслигини айтди.
Бу баҳона эмас, лекин ҳар доим ҳакамлар билан боғлиқ муаммолар бор. Менимча, МЛС раҳбарияти ҳакамликка эътибор қаратиши керак", - деди аргентиналик футболчи Apple ТВ телеканалига берган интервьюсида.
