"Локомотив" Россия чемпионати 2024/25 29-турида ЦСКА билан дуранг ўйнади - 2:2. Учрашув "РЖД Арена"да бўлиб ўтди.

Учрашувнинг 10-дақиқасида "қизил-яшиллар" футболчиси Дмитрий Воробев Сергей Пиняевнинг узатмасини боши билан дарвозага жойлаб қўйди. 25-дақиқада ҳужумчи ЦСКА вингери Аббосбек Файзуллаевнинг хатосидан сўнг жамоасининг иккинчи голини урди. 47-дақиқада Саул Гуарирапа Келлвеннинг узатмасидан сўнг ҳисобни қисқартирди. 80-дақиқада ҳавбек Матвей Кисляк узоқ масофадан зарба йўллаб, ҳисобни тенглаштирди.

"Локомотив" 50 очко билан РПЛ турнир жадвалида олтинчи ўринда бормоқда. ЦСКА 56 балл тўплаб, учинчи ўринга кўтарилди.

РПЛнинг сўнгги 30-турида "темирйўлчилар" "Акрон" билан, "қизил-кўклар" эса "Пари НН" билан куч синашади.