"Манчестер Юнайтед"да қайта қуриш бошланмоқда, аммо баъзи футболчилар бошқа клубларга қўйиб юборилмаслиги аниқ.
Гап ярим ҳимоячи Бруно Фернандеш, вингер Амад Диалло ҳамда ҳимоячилар Лени Йоро ва Харри Магуайр ҳақида кетмоқда. Журналист Пол Хёрстнинг маълум қилишича, "Манчестер Юнайтед" раҳбарияти бу тўрт футболчини алмаштириб бўлмас деб топган.
"Қизил иблислар" Англия Премьер-лигаси турнир жадвалида финишга бир тур қолганида 16-ўринни эгаллаб турибди. Рубен Аморим жамоаси ҳисобида 39 очко мавжуд.













