ОАВ хабарига кўра, "Кристал Пэлас" ва Англия терма жамоаси ҳимоячиси Марк Гехининг хизматларига "Барселона" ва "Реал" қизиқиш билдирмоқда.
Испания клублари англиялик футболчини эркин агент сифатида ўз сафига қўшиб олмоқчи. Унинг меҳнат шартномаси 2026 йилнинг ёзида якунига етади. Гехи Испанияга текинга ўтиш учун шартномасини тўлиқ ишлаб чиқишга тайёр.
Манбага кўра, "Челси", "Ньюкасл" ва "Тоттенхэм" ушбу ёзда Марк Гехини сотиб олмоқчи. Бироқ, у Ла Лигага ўтиш фойдасига бу вариантларни рад қилиши мумкин.
Жорий мавсумда англиялик футболчи 44 та ўйин ўтказиб, 3 та гол урди ва 2 та голли узатмани амалга оширди.
