Мадриднинг "Атлетико" клубига тегишли бўлган аргентиналик ҳужумчи Хулиан Альварес трансфер бозорида харидоргир. Бу ҳақда El Chiringuito журналистлари хабар бермоқда.
Манбага кўра, ҳужумчи учун Лондоннинг "Арсенал", "Ливерпуль" ва Мюнхеннинг "Бавария" клублари кураш олиб боради. Альвареснинг эҳтимолий трансфери бўйича музокаралар келаси ҳафтадан бошланади.
Хулианнинг "матрасчилар" билан шартномаси 2030 йилгача мўлжалланган. Transfermarkt портали футболчининг бозор нархини 90 миллион еврога баҳоламоқда.













