Ҳужумкор ярим ҳимоячи Леандро Троссард "Арсенал" билан шартномасини узайтиришга яқин турибди. Бельгиялик музокараларда муваффақиятга эришди ва энди барча томонлар келишувга эришишига ишончи комил, деб хабар беради BBC. Ҳаммаси шуни кўрсатадики, Троссард тез орада янги меҳнат шартномасини имзолайди.
Леандро Троссард "Арсенал"да 2023 йилнинг январидан бери "Брайтон"дан келиб ўйнаб келмоқда. Ўшандан бери бельгиялик футболчи 123 та расмий ўйин ўтказиб, 28 та гол урган ва жамоадошларига 22 та голли узатма берган. "Арсенал"нинг навбатдаги ўйини 25 май, якшанба куни "Саутгемптон"га қарши ўтказилади.
