Мадриднинг "Реал" клуби "Челси" ярим ҳимоячиси Энцо Фернандесга қизиқишда давом этмоқда.
Сўнгги кунларда аргентиналик футболчи матбуот томонидан "қаймоқранглилар"нинг яқинлашиб келаётган ёзги трансфер мақсадларидан бири сифатида тилга олинмоқда. "Челси" хавбекни сотишни режалаштирмаяпти ёки эҳтимолий харидорларни қўрқитиш учун жуда катта сумма сўрайди. RM Confidencial хабарига кўра, келишувни осонлаштириш учун "Реал" "кўклар"га Энцо ўрнига бразилиялик Родригони таклиф қилиши мумкин. Шу билан бирга, лондонликлар қўшимча тўловга умид қилишлари мумкин.
Transfermarkt портали Фернандесни 75 млн еврога, Родригони эса 100 млн еврога баҳоламоқда. Ҳозирда ҳар икки футболчи 24 ёшда.
