Madridning "Real" klubi "Chelsi" yarim himoyachisi Enso Fernandesga qiziqishda davom etmoqda.

So‘nggi kunlarda argentinalik futbolchi matbuot tomonidan "qaymoqranglilar"ning yaqinlashib kelayotgan yozgi transfer maqsadlaridan biri sifatida tilga olinmoqda. "Chelsi" xavbekni sotishni rejalashtirmayapti yoki ehtimoliy xaridorlarni qo‘rqitish uchun juda katta summa so‘raydi. RM Confidencial xabariga ko‘ra, kelishuvni osonlashtirish uchun "Real" "ko‘klar"ga Enso o‘rniga braziliyalik Rodrigoni taklif qilishi mumkin. Shu bilan birga, londonliklar qo‘shimcha to‘lovga umid qilishlari mumkin.

Transfermarkt portali Fernandesni 75 mln yevroga, Rodrigoni esa 100 mln yevroga baholamoqda. Hozirda har ikki futbolchi 24 yoshda.