Мадриднинг "Реал" клуби хорватиялик 39 ёшли ярим ҳимоячиси Лука Модрич энг кўп соврин қўлга киритиш бўйича клуб рекордини ўрнатган - 28та. "Қироллик клуби" таркибида Модрич олти марта Чемпионлар лигасида ғолиб чиққан, тўрт марта Испания чемпиони ва икки марта Испания кубоги соҳиби бўлган, беш мартадан Испания Суперкубоги, УЕФА Суперкубоги ва клублар ўртасидаги жаҳон чемпионатида ғолиб чиққан, бир марта қитъалараро кубокни қўлга киритган.
"Реал" тарихидаги совринлар сони бўйича кучли учликдан Даниэль Карвахал (27та) ва Начо Фернандес (26та) ҳам жой олган. Кучли бешликни 25 тадан совринни қўлга киритган Марсело ва Карим Бензема тўлдиради.
22 май куни Модрич 2024/2025 йилги мавсум якунлангач, "Реал"ни тарк этишини эълон қилди.
