"Манчестер Сити" бош мураббийи Хосеп Гвардиола ҳужумкор ярим ҳимоячи Фил Фоденнинг тўпиғи билан боғлиқ муаммолар ва руҳий чарчоқ ҳақидаги сўзларига муносабат билдирди.
"Фил тўғри айтди. Биз унга ёрдам бермоқчимиз. Унга дам олиш керак, кейин эса у қайтади. Мен унга ёрдам бермоқчиман. Унинг қандай ўйнаши менга барибир, мен шунчаки унинг ўзини яхши ҳис қилишини хоҳлайман, чунки шунда қолган нарсалар осон бўлади.
Фоден терма жамоага чақирилмайдими? У тўпиқ муаммоси билан узоқ вақт курашди. Аммо қарорни Тухель қабул қилади," - деди Гвардиола журналистларга.
