"Атлетико" бош мураббийи Диего Симеоне ва унинг рафиқаси Карла Перейра Украина собиқ президенти Виктор Януковичнинг собиқ маслаҳатчиси Андрей Портнов ўлдирилишига гувоҳ бўлишди. Бу ҳақда El Espanol хабар берди.

Портнов Посуэло-де-Аларкон шаҳридаги Америка мактаби яқинида отиб ўлдирилган. Айни шу мактабда Симеоненинг қизлари Франческа ва Валентина таълим олади. Шунингдек, Портновнинг болалари ҳам шу ерда ўқишади.

«Бу ҳамма учун жуда оғир вақт эди. Жабр кўрган оилаларга нисбатан кўпроқ ҳурмат сўрайман. Ростини айтсам, биз учун болаларга ғамхўрлик қилиш ва уларни ҳимоялаш жуда муҳим», — деган Симеоненинг рафиқаси сўзларини келтиради манба.

Эслатиб ўтамиз, воқеа 21 май куни содир бўлган. Жиноятни амалга оширган шахслар ҳалигача топилмади.