Германия терма жамоаси бош мураббийи Юлиан Нагельсманн "Байер" ярим ҳимоячиси Флориан Вирц у билан бошқа клубга ўтиш масаласини муҳокама қилганини тан олди.
Маълум бўлишича, 22 ёшли футболчи тез орада "Ливерпуль" либосини кияди. Мерсисайдликлар "Бавария" билан курашда ғалаба қозониб, Бундеслига юлдузини кўндира олди.
"Вирц менга хат ёзди, биз бу масалани муҳокама қилдик. Мен унга маслаҳат беришга ҳаракат қилдим, ўз фикримни айтдим, лекин унинг ўрнига қарор қабул қила олмаслигимни айтдим. Охирги қарорни Флорианнинг ўзи қабул қилади. Мен уни ҳеч қандай клубларни рад этишга даъват қилмадим, шунчаки баъзи нарсаларни тушунтирдим ва маслаҳатлар бердим. Келинг, ҳаммаси нима билан тугашини кутамиз," - деди Нагельсманн Sky Спорт билан суҳбатда.
