Germaniya terma jamoasi bosh murabbiyi Yulian Nagelsmann "Bayer" yarim himoyachisi Florian Virs u bilan boshqa klubga o‘tish masalasini muhokama qilganini tan oldi.
Ma’lum bo‘lishicha, 22 yoshli futbolchi tez orada "Liverpul" libosini kiyadi. Mersisaydliklar "Bavariya" bilan kurashda g‘alaba qozonib, Bundesliga yulduzini ko‘ndira oldi.
"Virs menga xat yozdi, biz bu masalani muhokama qildik. Men unga maslahat berishga harakat qildim, o‘z fikrimni aytdim, lekin uning o‘rniga qaror qabul qila olmasligimni aytdim. Oxirgi qarorni Florianning o‘zi qabul qiladi. Men uni hech qanday klublarni rad etishga da’vat qilmadim, shunchaki ba’zi narsalarni tushuntirdim va maslahatlar berdim. Keling, hammasi nima bilan tugashini kutamiz," - dedi Nagelsmann Sky Sport bilan suhbatda.
