"Наполи" президенти Аурелио де Лаурентис жамоага яқин орада ярим ҳимоячи Кевин де Брюйненинг келиши ҳақида тарқалган маълумотларга муносабат билдирди.
"Де Брюйне? Биз уни жамоамизга қўшишни хоҳлаймиз, аммо битимни амалга ошириш учун икки томон розилиги керак," - деди де Лаурентис "Il Mattino" нашрига берган интервьюсида.
Илгари матбуотда де Брюйне айнан "Наполи"га ўтишга қарор қилгани ҳақидаги хабарлар пайдо бўлганди. Бир неча ҳафта олдин бельгиялик футболчи "Манчестер Сити" у билан меҳнат шартномасини узайтирмаслик тўғрисида қарор қабул қилганини маълум қилганди.
