Френки де Йонгнинг "Барселона"даги келажаги яна сўроқ остида. Relevo хабарига кўра, нидерландиялик ярим ҳимоячи ёздаёқ клубни тарк этиши мумкин, чунки шартномани узайтириш бўйича музокаралар боши берк кўчага кириб қолган.

Де Йонгнинг каталонияликлар билан амалдаги келишуви 2026 йилнинг 30 июнига қадар мўлжалланган. "Барса" раҳбарияти футболчи келаси мавсум якунида текинга кетиб қолмаслиги учун шартномани олдиндан узайтиришга ҳаракат қилди. Бироқ, ҳозирча футболчи билан келишувга эришилмади.

Манбанинг аниқлик киритишича, "Барселона" харидор излаш ниятида эмас, аммо улар молиявий жиҳатдан фойдали бўлса, таклифларни кўриб чиқади - айниқса, мураккаб иқтисодий вазиятни ҳисобга олган ҳолда.