"Аталанта" ҳужумчиси Матео Ретеги 2024/25 йилги мавсумда А Сериянинг энг яхши тўпурарига айланди.
26 ёшли италиялик жорий мавсумда 36 та ўйинда 25 та гол уришга муваффақ бўлди. Тўпурарлар орасида "Фиорентина" ҳужумчиси Мойзе Кин 32 ўйинда 19 та гол урган ҳолда иккинчи ўринни, “Аталанта”нинг яна бир форварди Адемола Лукман 31 ўйинда 15 та гол урган ҳолда учинчи ўринни эгаллади.
Ретеги 2024 йилнинг ёзидан буён “Аталанта” сафида тўп тепмоқда. Унинг жорий мавсумда 49та ўйинда майдонга тушиб, 28та гол ва 9та голли узатмаси бор.













