"Реал"нинг янги бош мураббийи Хаби Алонсо клуб раҳбарияти билан яқинлашиб келаётган ёзги мавсумда амалга оширилиши мумкин бўлган янги трансферлар ҳақида гапирди.
"Янги трансферлар? Бизнинг вазифамиз - ўйинимизнинг ҳар бир жабҳасида, таркибни режалаштириш борасида доимо такомиллашишга интилиш... Сўнгги пайтларда клуб билан мулоқот ва қарашни йўлга қўйиб, келишишга ҳаракат қиляпман. Мен талаблар билан келганим йўқ, аксинча, ўз устимда ишлаш учун жамоа бўлиб ишлашни хоҳлайман," - дея Алонсонинг сўзларини келтиради Madrid Universal.
