"Барселона" дарвозабони Марк-Андре тер Штеген яқин трансферлар ойнасида клубини ўзгартириш ҳақида жиддий ўйлаши мумкин.
Немис оғир жароҳати туфайли сентябрдан майгача майдонга тушмади. DIARIO AS хабарига кўра, "Барселона" дарвозабон сўнгги йилларда тиззасидаги учта жарроҳлик амалиётидан сўнг аввалги даражасига қайта олмаслигидан хавотирда. 33 ёшли футболчи, ўз навбатида, асосий таркибда ўйнаш ниятида, шунинг учун каталонияликлар унга доимий машғулот кафолатини бермаса, кетиш вариантини кўриб чиқади.
Тер Штеген ЖЧ-2026да Германия терма жамоасининг "биринчи рақамли футболчиси" бўлишни орзу қилмоқда, шунинг учун у бўлажак мавсумда "Барса"да захира ўйинчиси ролини қабул қила олмайди. "Кўк-анорранглилар" сардорига аллақачон Европа ва Саудия Арабистонининг турли клублари қизиқиш билдирмоқда.
