"Barselona" darvozaboni Mark-Andre ter Shtegen yaqin transferlar oynasida klubini o‘zgartirish haqida jiddiy o‘ylashi mumkin.

Nemis og‘ir jarohati tufayli sentyabrdan maygacha maydonga tushmadi. DIARIO AS xabariga ko‘ra, "Barselona" darvozabon so‘nggi yillarda tizzasidagi uchta jarrohlik amaliyotidan so‘ng avvalgi darajasiga qayta olmasligidan xavotirda. 33 yoshli futbolchi, o‘z navbatida, asosiy tarkibda o‘ynash niyatida, shuning uchun kataloniyaliklar unga doimiy mashg‘ulot kafolatini bermasa, ketish variantini ko‘rib chiqadi.

Ter Shtegen JCH-2026da Germaniya terma jamoasining "birinchi raqamli futbolchisi" bo‘lishni orzu qilmoqda, shuning uchun u bo‘lajak mavsumda "Barsa"da zaxira o‘yinchisi rolini qabul qila olmaydi. "Ko‘k-anorranglilar" sardoriga allaqachon Yevropa va Saudiya Arabistonining turli klublari qiziqish bildirmoqda.