Миланнинг "Интер" клуби "ПСЖ" билан Чемпионлар Лигаси финалидан кейин Симоне Индзаги билан ҳамкорликни давом эттиришни истамоқда.
Турли манбаларга кўра, Саудия Арабистонининг "Ал-Ҳилол" клуби клублар ўртасидаги жаҳон чемпионати бошлангунига қадар италиялик мутахассисни ўз жамоасига мураббий қилиб тайинлашга умид қилмоқда. La Gazzetta dello Sport нашрининг ёзишича, "Интер"нинг ҳаракат режаси бор: "нерадзуррилар" раҳбарияти мураббийга 2027 йилгача бир йиллик шартнома ва йилига 7-8 млн евро маош таклиф қилади. Бундан ташқари, келишувда катта бонуслар кўрсатилади, шунингдек, мутахассисга келаси ёзда янги ҳужумчи трансфери учун тахминан 40 миллион евро берилади.
Индзагининг "Интер" билан амалдаги келишуви 2026 йилгача мўлжалланган.
