Ардон Яшари "Манчестер Сити"га ўтиши мумкин.
"Брюгге"нинг 22 ёшли таянч ярим ҳимоячиси ёзги трансфер ойнасида инглиз клуби қизиқишлари доирасига кириб бормоқда.
"Шаҳарликлар" аллақачон эҳтимолий трансфер бўйича алоқаларга эга.
Швейцариялик хавбек учун 35 миллион евродан кўпроқ пул тўлаши кераклиги тахмин қилинмоқда. Унинг "Брюгге" билан шартномаси 2029 йилгача мўлжалланган.
Футболчига Дортмунднинг "Боруссия" ва "Байер" клублари ҳам қизиқиш билдирмоқда.
Ўтган мавсумда Ардон Яшари барча мусобақаларда 52 та ўйинда майдонга тушиб, 4 та гол урди ва 6 та голли узатмани амалга оширди.
