Италиянинг "Торино" клуби бош мураббийи Паоло Ваноли жамоани тарк этади. Бу ҳақда Sky Sport Italia хабар бермоқда.
Ўтган мавсумда "Торино" 44 очко билан чемпионатни ўн биринчи ўринда якунлади. Якунда Ваноли ва раҳбарият амалдаги шартномани узайтирмасликка қарор қилди.
Ваноли ўрнига номзодлар рўйхатида Маурицио Сарри, Марко Барони ва Женнаро Гаттузо бор. Сарри ўтган йили "Лацио"дан кетганидан бери ишсиз юрибди, унинг ўрнига Барони келганди. Гаттузо Хорватиянинг "Хайдук" жамоасини бошқармоқда ва ҳозирча иш жойини ўзгартиришни истамаяпти.













