"Барселона"да дарвозабон Войцех Шеснининг келажаги бўйича қарор қабул қилинди. Нуфузли инсайдер Фабрицио Романонинг ижтимоий тармоқларда ёзишича, тез орада 35 ёшли польяк каталонияликлар билан шартномасини узайтиради.
Манбага кўра, Шесни билан шартномани узайтириш масаласида фақат расмиятчилик қолмоқда. Польшалик футболчи "кўк-анорранглилар" сафида ўйнашда давом этади.
"Барселона" октябрь ойида Марк-Андре тер Штегеннинг оғир жароҳатидан кўп ўтмай, Войцех Шесни билан шошилинч равишда шартнома имзолади. Шесни ўшандан бери "кўк-анорранглилар" сафида 30 та расмий ўйинда майдонга тушиб, 36 та гол ўтказиб юборган.
