УEФА президенти жаҳон чемпионатини 64 та жамоагача кенгайтиришга қарши чиқди.

Аввалроқ ФИФА 2030 йилги жаҳон чемпионатини турнирнинг 100 йиллиги муносабати билан бир марталик 48 тадан 64 та жамоага кенгайтириш имкониятини муҳокама қилаётгани маълум бўлганди. 

“Биз бошиданоқ қанча кўп жамоа бўлса, шунча яхши деган фикрга шубҳа билан қараган эдик, чунки жамоалар қанча кўп бўлса, сифат шунчалик паст бўлади.Биринчи навбатда, биз Европа футболини, федерацияларимиз ва мусобақаларимизни ҳимоя қиламиз.

Биз 48 та жамоалик форматни қабул қиламиз, чунки бу Европа футболига зарар келтирмайди.

64 та жамоа учун янги таклиф - бу мутлақо бемаънилик. Биз бунга қатъиян қарши бўламиз. Биринчидан, турнир жуда узоқ давом этади. Иккинчидан, саралаш ўйинларининг аҳамияти пасаяди. Футбол сифати нуқтаи назаридан, бу кулгили бўларди", деди УEФА президенти.