Пойтахтимиздаги "Saxovat Sport Servis" спорт мажмуасида Халқаро теннис федерациясининг мусобақалар тақвимидан жой олган М15 таснифига кирувчи турнир давом этмоқда.
Турнирнинг яккалик ва жуфтлик беллашувларида Денис Истомин, Сергей Фомин, Илья Игнатов, Бобур Мадаминов, Раҳимбек Иброҳимов, Амир Милушев, Максим Шин каби теннисчиларимиз иштирок этмоқда. Мусобақанинг жуфтлик баҳсларида Азиз Дадабоев ва Файзулло Мирзаганиев тандеми ҳиндистонлик Мадҳвин Камат ва Крииш Тяги жуфтлигини 6:4, 7:5 ҳисобида таслим қилди. Шу тариқа, илк босқичдан муваффақиятли ўтган ёш теннисчиларимиз чорак финалда нейтрал теннисчилар Антон Чехов ва Иван Зайцев дуэти билан рақобатлашади.
Маълумот ўрнида: Тошкентда ўтган ҳафтада ўтган М15 тоифасига кирувчи халқаро турнирда ёш теннисчимиз Максим Шин италиялик шериги Лорензо Лоруссо билан тандемда бош совринни қўлга киритган эди.
