Мадриднинг "Райо Вальекано" клуби президенти Рауль Мартин Пресса ҳазил тариқасида жамоа таркибида Криштиану Роналдуни кўришни исташини маълум қилди.
"Агар Криштиану Роналду қўлим етадиган жойда бўлса, мен Саудия Арабистонига бораман ва уни ўз қўлимда Испанияга олиб келаман," - деди Пресса Radio Marca нашрига.
Криштиану Роналду тахминан бир ойдан кейин "Ан-Наср" билан шартномаси тугагани сабабли эркин агентга айланиши мумкин. Сўнгги ҳафталарда матбуот 40 ёшли португалияликни клублар ўртасидаги жаҳон чемпионати иштирокчилари билан боғламоқда.
Аввалроқ, Роналду Испанияда 2009-2018 йилларда "Реал" шарафини ҳимоя қилган.













