"Милан" ва Сержиу Консейсау тез орада ҳамкорликни тўхтатади. Португалиялик мураббийнинг меҳнат шартномаси келаси йилнинг ёзида тугайди, бироқ яқин кунларда у бекор қилинади, дея хабар бермоқда инсайдер Николо Скира. Катта эҳтимол билан, оғзаки келишувга деярли эришилган Массимилиано Аллегри "россонерилар"нинг янги бошқарувчиси бўлади.
Сержиу Консейсау "Милан"ни ўтган йилнинг декабрь ойи охирида қабул қилиб олганди. Мураббий жамоани Италия Суперкубогида ғалаба қозонишга олиб келди, аммо А Сериядаги вазиятни ўнглай олмади - мавсум якунларига кўра фақат саккизинчи ўрин. Мутахассис Италияга келишидан олдин "Порту"да ишлаган.
