Лондоннинг "Челси" клуби ярим ҳимоячиси Коул Палмер Конференциялар Лигаси финалида "Бетис"га қарши ўйинда жамоадошларига икки марта голли узатма берди.
65-дақиқада инглизнинг узатмасидан сўнг Энцо Фернандес, яна беш дақиқадан сўнг эса Николас Жексон гол урди. Шу тариқа "кўклар" ўйинда, 2:1 ҳисобида олдинга чиқиб олишди. Opta порталининг қайд этишича, Палмер 2018 йилдан буён еврокубоклар финалида иккита голли пас берган илк футболчи бўлди. Етти йил олдин "Реал"нинг чап қанот ҳимоячиси Марсело Чемпионлар Лигаси финалида "Ливерпуль"га қарши ўйинда бу ишни уддалаганди.
