"Бетис" ярим ҳимоячиси Иско мавсумни ажойиб ўтказмоқда ва бу унинг натижаларида акс этади.
33 ёшли футболчи «Челси»га қарши Конференциялар лигаси финалида 9-дақиқада ҳисобни очган Абде Эзега ассистентлик қилди.
Иско жорий мавсумда 12 та гол урди ва 11 та голли узатмани амалга оширди. Opta хабарига кўра, испанияликнинг олий дивизиондаги бутун фаолияти давомида бир мавсумда қайд этилган 23 та самарали ҳаракат янги шахсий рекорддир.
Иско 2023 йил ёзида “Бетис”га ўтди. Ҳужумкор ярим ҳимоячининг профессионал даражадаги биринчи клуби "Малага" бўлган.
